O catedrático José Carreira Villamor, da Área de Radioloxía e Medicina Física do Departamento de Psiquiatría, Radioloxía, Saúde Pública, Enfermaría e Medicina da USC acaba de ser elixido como decano da Facultade de Medicina e Odontoloxía. Nunha votación en segunda volta, Carreira Villamor obtivo 81 votos fronte aos 50 do outro candidato, Ángel Luís Fernández González, e 1 branco.
José Carreira Villamor, que ata o de agora era vicedecano de docencia da Facultade, compaxina a súa actividade docente e investigadora no grupo LIIR Laboratorio de Investigación en Imaxe Radiolóxica coa asistencial na área de Radioloxía do Hospital Clínico Universitario de Santiago de Compostela.