O conselleiro de Presidencia, Xustiza e Deportes, Diego Calvo, mantivo un encontro de traballo co alcalde do Porriño, Alejandro Lorenzo, para coñecer de primeira man as necesidades deste concello e avaliar posibles vías de colaboración desde a Xunta que contribúan á execución dos seus proxectos. O encontro enmárcase no compromiso do Goberno galego coas administracións locais a través de distintas liñas de axudas que permitiron este ano o impulso de case 700 iniciativas municipais, cun investimento de 32 millóns de euros.
