Santiago de Compostela
O Campus Sur da Universidade de Santiago será un dos escenarios do Campionato de España de Orientación en Idade Escolar (CESA) que terá lugar do 20 ao 22 de xuño en Compostela e Porto do Son, logo de que non se celebrasen en Galicia dende o ano 2018. Concretamente, a xornada no campus será o sábado 21.
O desenvolvemento desta competición na USC, que traerá a Santiago medio millar de participantes en idade escolar representando dezaseis comunidade autónomas, dá conta do esforzo da USC por abrir as súas instalacións deportivas ao conxunto da cidadanía e á contorna deportivas nas súas múltiples manifestacións, máis alá do uso específico da comunidade universitaria. A través destas colaboracións ponse de manifesto a dimensión do campus como punto de convivencia non só da cidadanía senón tamén da comunidade deportiva galega.
As entidades organizadoras, coa federación Galega de Orientación á cabeza, agardan que a celebración deste campionato en Galicia axude a incrementar as preto de 700 licenzas galegas, das que o 36% son de mulleres.