Santiago de Compostela, 19 de xuño de 2025
O director xeral de Gandaría, Agricultura e Industrias Agroalimentarias, José Balseiros, mantivo hoxe un encontro cos representantes da empresa Proteínas e Cereais de Galicia. Nesta xuntanza, Balseiros coñeceu os plans de expansión desta empresa na nosa comunidade, centrados no eido gandeiro e, máis especificamente, na cría de leitóns e na produción de ovos. O director xeral puxo ademais en valor o potencial de creación de riqueza e emprego destes proxectos.