Chantada (Lugo), 5 de xuño de 2025
O director xeral da PAC e do Control da Cadea Alimentaria, Juan José Cerviño, pechou este mediodía a xornada sobre boas prácticas de pastoreo extensivo aplicables a ecorrexímenes en Galicia, que tivo lugar en Chantada, organizada polo Ministerio de Agricultura, Pesca e Alimentación en colaboración coa Consellería do Medio Rural.
O director xeral destacou a importancia das axudas da PAC para o agro galego en xeral e, nomeadamente, dos ecorrexímenes deseñados no Plan Estratéxico da PAC (Pepac 2023-2027) para incentivar prácticas agrogandeiras respectuosas co clima e o medio ambiente. Neste sentido, puxo tamén en valor a celebración de xornadas como esta para difundir as vantaxes destes réximes entre os agricultores e gandeiros galegos.