Santiago de Compostela, 24 de febreiro de 2025
A conselleira do Medio Rural, María José Gómez, acompañada polo director xeral de Gandaría, Agricultura e Industrias Agroalimentarias, José Balseiros, reuniuse esta tarde en San Caetano co alcalde de Crecente, Julio César Luengo.
O encontro serviu para avanzar no desenvolvemento de iniciativas a prol do rural deste concello pontevedrés e, en particular, no que atinxe á creación de pasteiros, co fin de favorecer e impulsar a gandaría en extensivo no municipio. Os responsables da Consellería puxeron en valor este tipo de ferramentas como fórmula para apoiar as prácticas gandeiras, favorecendo así a mobilización e recuperación de terras, ao tempo que se loita contra os incendios forestais.