NeuroBeers é un evento socio-científico informal que se realiza tres veces ao ano en Madrid para reunir a profesionais da neurociencia cun público non especializado. A XV Edición de Neurobeers versará sobre sinestesia e información sensoriomotora.
A exposición de M.ª Teresa Carrillo será o próximo luns 23 de marzo, ás 19 h, no Café del Monaguillo (Plaza de la Cruz Verde, 3 – Metro Ópera, Sol y Tirso de Molina) de Madrid. No seu relatorio repasará os mecanismos fisiolóxicos de percepción e modulación da dor, dará conta sobre a función protectora da dor e desmontará algúns mitos e crenza estendidas sobre a dor crónica.