Lugo
O profesor da USC José Manuel Cifuentes Martínez ingresou este luns 7 como académico correspondente electo da Real Academia de Ciencias Veterinarias de España. O profesor do Campus de Lugo centrou o seu discurso de ingreso na bioética e na experimentación animal dende unha perspectiva histórica e a súa presentación correu a cargo do académico de número, Francisco Gil Cano.
Doutor pola Universidade de Santiago de Compostela dende 1989 coa tese titulada ‘Contribución al conocimiento morfológico y funcional del órgano vomeronasal del perro’, dirixida por Ignacio Salazar Beloqui, o profesor Cifuentes Martínez pertence ao Departamento de Anatomía, Produción Animal e Ciencias Clínicas Veterinarias e á área de Anatomía e Anatomía Patolóxica Comparadas. Ademais, é integrante do grupo MORFAN (Morfoloxía animal).