Lugo, 19 de xuño de 2025
O delegado territorial da Xunta en Lugo, Javier Arias, participou na homenaxe que rendeu o CEIP Anexa a dous dos seus exalumnos máis célebres, os irmáns Erik e Sergi Quintela. Arias uniuse ao “agradecemento a estes grandes deportistas, referentes xa na historia do Club Baloncesto Breogán e un exemplo para os nenos e nenas da provincia”.
O colexio colocou unha placa en recoñecemento ás súas traxectorias, subliñando que representan os valores de compromiso, esforzo e excelencia que transmite o programa educativo “Legado Anexa”.