Lugo,
Santiago de Compostela
O proceso para a elección de representantes de estudantes das Xuntas de Centro no Consello do Estudantado acaba de abrir o seu calendario electoral coa exposición do censo provisional. Ata o vindeiro 10 de febreiro permanecerá aberto o período de reclamación contra o censo provisional. Toda a información sobre este proceso electoral está dispoñible na web de Participación e procesos electorais.
A votación efectuarase electronicamente o vindeiro 24 de febreiro entre as 9.00 e as 18.00 horas en horario ininterrompido. Para exercer o dereito a voto, o electorado terá que conectarse a través da súa Secretaría Virtual ou da aplicación electoral. De producir calquera incidencia que impida a conexión, as persoas interesadas deben comunicalo á Comisión Electoral Central ou á Secretaría Xeral a través do correo evoto [at] usc.gal (evoto[at]usc[dot]gal).
Calendario electoral
A publicación do censo electoral definitivo o 11 de febreiro dará paso ao período de presentación de candidaturas, do día 12 ao 17, cuxa proclamación definitiva producirase o día 21 de febreiro logo do correspondente período de reclamacións contra a proclamación provisional de candidaturas.