No marco do Programa de innovación AKADEMIA da Fundación Innovación Bankinter, entidade coa que colaboran a USC e UNINOVA desde hai anos, tivo lugar en Madrid un encontro co mellor estudantado da última edición do Programa Akademia de cada universidade participante. Por parte da USC seleccionouse Judit González Prol, do grao de Intelixencia Artificial; Thomas Gordon Beasley Carbón, de Matemáticas; e Claudio Bernabé Fernández, de ADE.
No evento, estudantado e profesorado do programa Akademia compartiron o seu coñecemento e impresións a través de charlas con empresas de Fundación CRE100DO e startups. Por outra banda, o patrón da Fundación e presidente do Georgia Institute of Technology, Ángel Cabrera, participou como relator contando a súa traxectoria e as perspectivas de futuro para o alumnado de Akademia.
