A Coruña, 27 de maio de 2025
A delegada da Xunta, Belén do Campo, asistiu ao concerto con motivo do Día das Forzas Armadas 2025, celebrado no Teatro Colón da Coruña, como parte do programa de actividades organizadas co gallo desta data.
O evento musical, contou coa participación da Unidade de Música do Cuartel Xeneral do Mando de Apoio á Manobra. O concerto enmárcase dentro das actividades que se están a desenvolver por toda España con motivo do Día das Forzas Armadas.
A Xunta de Galicia súmase así á homenaxe e recoñecemento público aos homes e mulleres que integran os diferentes corpos das Forzas Armadas, polo seu servizo exemplar tanto dentro como fóra do territorio nacional.