Calquera deportista da Universidade de Santiago pode participar nos Campionatos de España Universitarios (CEU) ou nos Galegos (CGU) sempre que o demanden previamente. Así, o servizo de Deportes da USC mantén aberto ata o 16 de febreiro o prazo para formalizar a súa solicitude para seren convocados a eses certames deportivos. O proceso debe realizarse a través da páxina web de deportes.
Nos Campionatos Galegos a USC participará, tanto en categoría feminina como masculina, en baloncesto, balonmán, fútbol, futsal, natación, orientación, rugby-7, vela e voleibol. Nos de España só se pode realizar a solicitude para os deportes individuais.