A Xunta recoñece o labor das bibliotecas escolares de 16 colexios e institutos de toda Galicia cos premios do concurso de traballo por proxectos

Santiago de Compostela, 30 de decembro de 2024

A Xunta vén de recoñecer o labor das bibliotecas escolares de 16 centros educativos de toda Galicia cos premios do X Concurso de Traballo por Proxectos. O certame, impulsado pola Consellería de Educación, Ciencia, Universidades e FP, busca estimular o deseño e desenvolvemento de traballos de carácter interdisciplinario ou de proxectos de investigación desde a biblioteca escolar.

A temática dos traballos era aberta, sempre e cando se desenvolveran contidos curriculares e se contribuíse a potenciar a adquisición de competencias claves por parte do alumnado.

A convocatoria contemplaba catro modalidades de participación. Na primeira delas, de proxectos que combinan diversas materias (ou Proxectos Documentais Integrados) coordinados desde a biblioteca escolar e que conten coa participación dun mínimo do 40% dos grupos-aula do centro, prémianse 10 centros, que reciben cada un 2.000€ para gastos relacionados co traballo presentado. Os galardoados nesta categoría son os recollidos na táboa:

Na segunda modalidade, de iniciativas de investigación dirixidos por profesorado dun grupo ou nivel, os premiados son os seguintes centros:

Na terceira categoría, de proxectos de investigación dirixidos por profesorado para grupos de diferentes cursos ou niveis, recoñécese o traballos destes centros:

Nestas dúas categorías os premios son de 1.500€ por centro.

Finalmente, con 3.000€ por galardón, na cuarta modalidade, de proxectos de investigación intercentros para desenvolver un proxecto común, os centros premiados son os seguintes: