San Cibrao das Viñas (Ourense), 2 de abril de 2025
O director xeral de Comercio e Consumo, Gabriel Alén, acompañado polo delegado territorial da Xunta en Ourense, Manuel Pardo, asistiu esta tarde á inauguración do novo establecemento Cash Record pertencente á compañía galega de distribución alimentaria Vegalsa-Eroski. Neste acto —no que tamén estiveron presentes o presidente da Diputación de Ourense, Luis Menor, e a alcaldesa de San Cibrao das Viñas, Marta Nóvoa— preséntase o novo centro, que sumarase aos máis de 15 da enseña cash&carry da marca galega, especializada nas necesidades dos profesionais do canal Horeca —hoteis, restaurantes e cafeterías— e alimentación de carácter minorista, dándolle prioridade aos productos frescos dun amplio surtido, asesoramento especializado e servizo de compra online.
Na súa intervención, o director xeral destacou a labor da compañía galega na contribución á xeración de emprego e dinamización da economía da nosa comunidade, lembrando as recentes feiras de emprego celebradas no pasado marzo na Arxentina e no Uruguay, dentro da Estratexia Galicia Retorna —que busca facilitar o retorno de preto de 30.000 galegos no exterior ata 2026— onde Vegalsa-Eroski estivo presente.