Arbo (Pontevedra), 25 de abril de 2025
O director xeral de Gandaría, Agricultura e Industrias Agroalimentarias, José Balseiros, asistiu esta tarde á primeira xornada da LXV Festa da Lamprea que se celebra esta fin de semana na localidade pontevedresa de Arbo. Alí, acompañado polo alcalde da localidade, Horacio Gil, participou na inauguración da Feira Agroindustrial e Artesanal da Bisbarra do Condado Paradanta “Arbomostra”, onde puxo en valor o papel deste evento como axente dinamizador do sector agrario na nosa comunidade.