Este martes 26 de novembro comeza na cidade de Ourense a 35 edición dos Xogos Galaico Durienses, nos que participan 23 deportistas da Universidade de Santiago, que competirán en cinco disciplinas cos equipos das universidades de Vigo -que organiza este evento deportivo-, Trás-os-Montes e Alto Douro, Porto e Minho, pois nesta ocasión non participa a Universidade da Coruña.
Nestes Xogos, que conclúen o xoves, haberá representación da USC en voleibol feminino, baloncesto mixto 3×3, paddle mixto 2×2, natación mixta 4×4 e boccia mixta. Acompañan os equipos da USC tres membros do persoal da Área Deportiva da USC.