Lugo,
Santiago de Compostela
A Feira Virtual de Emprego da USC celebrará entre o martes 6 e o mércores 7 unha nova edición coa misión de conectar o estudantado universitario e persoas tituladas da USC co tecido empresarial, ofrecendo acceso a ofertas laborais activas, charlas sobre empregabilidade e espazos de interacción directa con empresas e entidades participantes.
As persoas interesadas xa poden rexistrarse na plataforma habilitada e subir o seu currículo en formato PDF, accedendo así a todas as funcionalidades do evento. A feira desenvolverase entre as 8.00 horas do martes 6 e as 20.00 h do mércores 7 de maio. Durante estas dúas xornadas, as persoas participantes poderán enviar o seu currículo a ofertas de emprego activas, asistir a conferencias, así como interactuar coas empresas e co equipo da Área de Orientación Laboral e Emprego da USC mediante chats públicos ou privados así como vía vídeo-chamada.
Unha vez finalizada a feira, o acceso ás ofertas de emprego e á opción de presentar currículos permanecerá activo durante 15 días adicionais, aínda que xa non estará operativo o sistema de chat. Para acadar máis información ou resolver dúbidas, as persoas interesadas poden contactar coa Área de Orientación Laboral e Emprego da USC a través do correo: orientacion.santiago [at] usc.es.