A elección de representantes de estudantes das Xuntas de Centro no Consello do Estudantado será este luns 24 de febreiro. A votación efectuarase electronicamente entre as 9.00 e as 18.00 horas en horario ininterrompido.
Para exercer o dereito a voto, o electorado terá que conectarse a través da súa Secretaría Virtual ou da aplicación electoral. De darse calquera incidencia que impida a conexión, as persoas interesadas deben comunicalo á Comisión Electoral Central ou á Secretaría Xeral a través do correo evoto [at] usc.gal (evoto[at]usc[dot]gal).