Ourense, 15 de maio de 2025
A conselleira de Vivenda e Planificación de Infraestruturas, María Martínez Allegue, xunto ao delegado territorial da Xunta en Ourense, Manuel Pardo, mantivo hoxe un encontro de traballo co alcalde de San Cristovo de Cea, José Luis Valladares.
Nesta reunión, que tivo lugar esta mañá na sede da Delegación Territorial da Xunta en Ourense, a conselleira e o rexedor abordaron actuacións en materia de urbanismo, de interese para este municipio ourensán.
M. Allegue subliñou o compromiso do Goberno galego para colaborar cos concellos e impulsar actuacións que contribúan a mellorar a calidade de vida dos cidadáns e a reforzar a competitividade económica, fixando tamén poboación no rural.