Lugo, 28 de abril de 2025
A Biblioteca Pública Provincial acollerá entre os días 2 e 12 de maio a exposición fotográfica itinerante ‘A mili no Sáhara’, que traen á cidade a Subdelegación de Defensa de Lugo e a Asociación Nacional de Veteranos do Sáhara.
No acto de presentación, que tivo lugar hoxe na Delegación Territorial da Xunta, participaron o delegado territorial, Javier Arias; o subdelegado de Defensa, o coronel Juan José Fernández Arrojo, e Julio Méndez, representante da Asociación Nacional de Veteranos do Sáhara, entre outros.
A mostra reúne fotografías compiladas na web do mesmo nome, que desde o ano 2003 vén reunindo material e testemuñas de persoas que cumpriron o servizo militar no Sáhara, e outras que por traballo, familia ou comercio estiveron destinadas no África Occidental Español.