Santiago de Compostela
USC e Monbus Obradoiro lanzan unha promoción especial dirixida á comunidade universitaria, con prezos e oportunidades exclusivas, con motivo do encontro fronte ao Hestia Menorca. O partido terá lugar o vindeiro mércores 12 de marzo, ás 20.30 horas, no Multiusos Fontes do Sar. Para beneficiarse desta oferta, será obrigatorio presentar a Tarxeta Universitaria de Identidade (TUI) no acceso ao recinto, acreditando así a pertenza á comunidade universitaria. En concreto, ofrécense 100 entradas a 1 euro e cada persoa poderá adquirir un total de duas entradas a través da ligazón dispoñible no web do Obradoiro, introducindo o código USC1203.
No descanso do encontro haberá un partido 3×3 a 6 seis minutos no que xogará o equipo de Alberto Corbacho contra un equipo mixto de persoas gañadoras do Campionato 3×3 que USC e Obradoiro organizaron no mes de febreiro. No partido, tamén se procederá á entrega de galardóns deste torneo.