Vigo, 24 de febreiro de 2025
O director xeral de Comercio e Consumo, Gabriel Alén, asistiu esta mañá á presentación do proxecto Women In Retail (WIR) en Galicia, unha comunidade de máis de 300 mulleres do sector comercial que pon en valor e visibiliza o comercio como actividade estratéxica na economía galega e española e o importante papel das mulleres nesta actividade.
Neste contexto, o director xeral puxo de relevo a importancia de atraer a Galicia actividades de entidades como WIR para compartir experiencias e visibilizar e poñer en valor o sector comercial. Estes obxectivos concordan co Plan Estratéxico do Comercio 2025-2030, que se prevé ter listo neste primeiro trimestre tras un proceso participativo con axentes representativos de todo o tecido comercial para recoller as súas achegas.