Santiago de Compostela, 14 de febreiro de 2025
A conselleira de Economía e Industria, María Jesús Lorenzana, mantivo hoxe un encontro cos gañadores dos premios Enerxéticos 2025, que outorga o Clúster das Enerxías Renovables de Galicia (Cluergal) para recoñecer o labor dos profesionais que traballan neste sector en Galicia.
Neste edición, fóronlle concedidos a María Couto, directora corporativa de Xeal; Andrés Montero, delegado de operacións de Nedgia en Galicia; Laura Rodríguez, enxeñeira de Instra Ingenieros; Santiago González, consultor de Integria; Luz Rivas, directora de Zona en PreZero España; e Pablo Echegaray, xerente de Garaysa.
Lorenzana indicou que Cluergal será un dos interlocutores na Mesa Industrial Eólica que se vai constituír para a elaboración do novo Plan Eólico que, segundo dixo, ten un dobre obxectivo: non só incrementar a xeración renovable en Galicia, senón crear máis emprego asociado á industria do mantemento e fabricación de compoñentes.